Precision Air kuuza hisa Milioni 60 Oktoba 7 - 28, 2011

Muasisi na Mwenyekiti wa Bodi wa Precision Air Bw. Michael Shirima (kulia) akitoa tamko rasmi kuhusiana na mpango wa Uuzaji wa Hisa katika Soko la Awali (IPO) utakaoanza tarehe 7 – 28 Oktoba, 2011 wakati wa mkutano na waandishi wa habari leo jijini Dar, Katikati ni Mkurugenzi Mkuu na Meneja Mwendeshaji wa Precision Air Bw. Alfonse Kioko akifuatiwa na Meneja Uhusiano wa Wateja katika Benki ya Stanbic Bi. Naomi Vincent.

TAARIFA KWA VYOMBO VYA HABARI

Dar es Salaam Oktoba 4, 2011.

 Bodi ya Wakurugenzi wa shirika la ndege la Precision Air Services Plc inapenda kuwataarifu kwamba mpango wetu wa Uuzaji wa Hisa katika Soko la Awali (IPO) na kuorodheshwa katika Soko la Hisa la Dar es salaam (DSE) imepatiwa vibali vyote husika na sasa ipo tayari kwa hatua zinazofuata.

Kilichoidhinishwa ni ratiba ya matukio ya utaratibu mzima wa mchakato huu:

Tarehe ya Ufunguzi wa Ofa	Oktoba 7 2011 ; 0300 asubuhi
Tarehe ya Kufungwa kwa Ofa	Oktoba 28 2011 ; 1000 jioni
Kutangazwa kwa matokeo ya Ofa	Novemba 11 2011
Kuingiza hisa katika akaunti za CDS, kutoa risiti/cheti za malipo na marejesho ya hundi	Novemba 25 2011
Kuorodheshwa na kuanza biashara    ya kununua na kuuza katika  Soko la Hisa la Dar es Salaam (DSE)	Desemba 8 2011

  

Kampuni itatoa jumla ya hisa 58,841,750 kwa ajili ya ununuzi kwa bei ya 475 kwa kila hisa. Huku idadi ya chini ya kuanza kununua hisa ambayo mtu ataruhusiwa kununua itakuwa ni hisa 200.

Nakala ya waraka wa matarajio ya kampuni ambayo pamoja na mambo mengine, maelezo maalumu ya ufafanuzi na ununuzi wa hisa zinapatikana katika tovuti ya Precision Air www.precisionairtz.com tarehe 4 Oktoba 2011.

Kwa niaba ya Wakurugenzi ya Bodi, utawala na wafanyakazi wote napenda kutoa shukurani zangu za dhati kwa wateja wetu kwa mchango wao na ushirikiano yakinifu ulioweza kufanikisha maendeleo na ukuaji wa shirika la ndege hili tangu kuanzishwa kwake mwaka 1993. 

                    Michael N Shirima                           

Mwenyekiti wa Bodi ya Wakurugenzi

  Tarehe ya Ufunguzi wa Ofa

Oktoba 7 2011 ; 0300 asubuhi

  Tarehe ya Kufungwa kwa Ofa

 Oktoba 28 2011 ; 1000 jioni

  Kutangazwa kwa matokeo ya Ofa

 Novemba 11 2011

  Kuingiza hisa katika akaunti za CDS, kutoa risiti/cheti za malipo na marejesho ya hundi

 Novemba 25 2011

  Kuorodheshwa na kuanza biashara    ya kununua na kuuza katika  Soko la Hisa la Dar es Salaam (DSE)

 Desemba 8 2011