Miss Universe 2011 Nelly Kamwelu arejea.

Miss Universe Tanzania 2011,Nelly Kamwelu amewasili mapema leo kutoka Sao Paulo,Brazil kulikofanyika fainali za Dunia za mashindano hayo. Nelly Kamwelu ameshika nafasi ya saba kwenye mashindano ya vazi la taifa.

Vazi lililompa nafasi ya saba, "Nungunungu" limebuniwa na Diana Magessa wa Morogoro

Vazi la ubunifu la kitaifa limebuniwa na kutengezwa na mbunifu mahiri wa Morogoro Diana Magessa ambaye alitumia rasilimali ya kipekee ya bati na ngozi pamoja na nakshi ya shanga na bati za kimaasai. Mbunifu huyu alieleza kuwa vazi hili alilibuni kwa kuangalia mavazi ya wapiganaji wa kale na pia mnyama aina ya “Nungunungu” ambaye hutumia ngozi yake yenye miiba kujihami na maadui. Mrembo Nelly alifurahia vazi lake akisema “Unajua huko ni kama unakwenda vitani, na hii nguo inanipa moyo sana najisikia faraja kubwa kuvaa vazi hili”