Marupurupu ya kamera

Kitchen pati ya Sarah, Kapendeza kweli jamani

Kila kazi ina marupurupu yake lakini ya kamera yamezidi, siku mmoja kabla ya kuja huku sauzi nilipewa kazi na rafiki yangu mpendwa kumtaswiria ka sherehe ka jikoni ka mchumba au mke mtarajiwa wake, sikukumbuki lini mara ya mwisho kufanya kazi ka hii, pengine miaka kadhaa imepita sasa,

Niliwai kusema wakati fulani kazi ya picha ina marupurupu au nafasi kubwa ya kuijichjanganya na kila makundi ktk jamii na bado ukaonekana ni mmoja wao, yaani yaweza tokea asubui ukapata chai na wafanyabiashara wakubwa au "mataikuni" na ukasikia wakijisiu kwa kufanikiwa kwao ama wakipnga mikakati ya kuingiza mabilioni mengine kadhaa na mchana wa siku hiyo ukajikuta wapiga miayo na watoto wa mitaani wakieleza maswaibu yao au wamachinga na mgambo wa jiji wakitunishiana misuli na jioni yake ukajikuta katikati ya mashabiki wa mpira wakipena tambo zao za Simba na Yanga na pengine ukiwa na baati mbaya likatokea jambo ukijikuta waambulia mabomu ya machzo.

Lakini kabla siku haijaisha waweza kujikuta huko katika pati kama hizi za jikoni, "mikia ya jogoo" ama Cocktail za mashirika kadhaa au zaidi ukajikuta huko Ikulu pamoja na marais na viongozi wa nchi katika moja ya dhifa za Kitaifa, naamu hayo ndo marupurupu ya kazi hii.

Hivi inakuwaje unapojikuta katikati ya kundi la kinadada wapatao mia na ushee katika shereha ya jikoni iliyosheeni kinywaji cha aina ya mvinyo?? Kisia Mdau kwa leo CIAO